17 OBXECTIVOS DE DESENVOLVEMENTO SOSTIBLE

               ACTIVIDADE POLO ALUMNADO VOLUNTARIO DE 6º CURSO DE PRIMARIA 

VIDEOS  clica sobre o enlace

                           

                                   LIBRO ESCRITO POLO PROFESOR JOSITO

Hoxe na BibliAtios o profesor Josito entregaba a un grupo de alumn@s e tamén á biblioteca o seu libro: 

"LA VIDA MISTERIOSA".

Darlle as grazas por esta entrega e desexarlle moita sorte e éxito!!

 

GUÍA DE VERÁN!!                    

                                                       PARA REFRESCARSE!!

Dende o Equipo da BibliAtios deixamos as recomendacións lectoras para o verán 2026!!

Esperemos que vos gusten!!

 

CHARLAS SOBRE O ACOSO ESCOLAR

O pasado 2 de maio celebrouse o Día Internacional contra o Acoso Escolar e as alumnas e o alumno da materia de Oratoria de 3º ESO prepararon unhas charlas, adaptadas ás diferentes etapas educativas, para o alumnado de Educación Infantil e de Primaria.

Os rapaces e rapazas asistiron ao longo das semanas seguintes a estas charlas, que se desenvolveron na Biblioteca, e alí aprenderon a distinguir o que é o acoso fronte a outro tipo de violencias, observaron todas as caras que pode presentar o bullying, e coñeceron casos reais e as súas consecuencias. Para os/as máis pequenos/as, a charla foi acompañada das marionetas da Biblioteca, Pelusa e a serpe, que ilustraron á perfección o que é unha situación de acoso escolar.

Ademais, eles e elas tamén puideron participar expoñendo as súas experiencias persoais, preguntando as dúbidas que lles xurdían e reflexionando sobre cal é a mellor maneira de conseguir que o bullying desapareza totalmente da nosa sociedade.

 

EXPOSICIÓN   “NÓS TAMÉN FOMOS EMIGRANTES”

O pasado 23 de abril, o alumnado de 3º ESO asistiu á inauguración da exposición fotográfica “Nós tamén fomos emigrantes”, de Afundación Abanca, que tivo lugar na Casa da Cultura de Valdoviño. Esta actividade estaba incluída no proxecto “Cultura por Alimentos”, mediante o cal as persoas que asisten a algún acto cultural poden voluntariamente ofrecer alimentos non perecedoiros para os bancos de alimentos de Galicia.

Ademais de participar na presentación da inauguración por parte das persoas organizadoras e do alcalde de Valdoviño, o alumnado realizou unha visita pola exposición de imaxes tomadas por fotoxornalistas da época e asistiu a unha interesante charla na que dúas emigrantes, de Arzúa e de Pontedeume, relataron a súa experiencia laboral e vital na Europa dos anos 70 e 80.

A esta actividade tamén asistiu a veciñanza participante nos talleres de estimulación cognitiva do Concello de Valdoviño e das actividades dos Espazos +60.

 DÍA  DO  LIBRO  

O pasado 23 de abril do 2026 dende a BibliAtios conmemoramos o Día do Libro co apadriñamento lector, actividade que como cada curso escolar, os alumnado do CPI de Atios gústalle realizar...

Deixamos algunha fotos que reflexan este día tan bonito para o noso alumnado.

    

 

Graciñas a tod@s pola colaboración!!

  KAMISHIBAI

O alumnado de cuarto de primaria inventou uns contos que preparou con moito esmero e, despois, aplicou técnicas do kamishibai. Na BibliAtios expuxéronos para os compañeiros e compañeiras de primaria. Bo traballo!