Semana do Libro no CPI de Atios

 Esta semana está a ser moi movida no noso centro, pois estamso a celebrar a Semana do Libro. Todos os cursos, o CPI de Atios dedica o Día do Libro a un autor ou autora locais. Nesta ocasión convidamos á artista Blanca Escrigas que realizou varios obradoiros na biblioteca para os alumnos de Infantil e Primaria ao longo de toda a mañá de onte.

Non obstante, o prato forte deste ano están as ser as obras de teatro que alumnos de 5º de Primaria, 1º 2º e 3º ESO están a representar para todos os seus compañeiros. Trátase de 3 obras de teatro de creación nosa moi breves, todas ao redor do libro, todas de humor e todas interpretadas por parellas de actores. Dúas das obras son itinerantes de xeito que as parellas de intérpretes se desprazan de aula en aula para escenificar a obra. A terceira precisa de decorado, polo que a súa representación ten lugar sempre na biblioteca, adaptada para a ocasión, e os grupos de aula desprázanse ata aí para asistir por quendas á obra.

En total, movilizamos 22 actores e actrices que formaron 11 parellas para representar 3 obras de teatro a todos os alumnos do centro ao longo dunha semana e media.

Ademais, hoxe entregamos os Premios dos Concursos Literarios.

Moitas felicidades aos 

premiados!!!

Semana do Libro. Obradoiros e Concursos Literarios.

 Velaquí a convocatoria "oficial" dos concursos da Biblioteca para celebrar a Semana do Libro que celebraremos á volta das vacacións de Semana Santa.

Ide poñéndovos mans á obra, exprimindo ideas do cerebro e dando renda solta á vosa creatividade!!

Todas as categorías teñen como eixo temático o mar, tema do proxecto anual de centro este ano. As propostas candidatas teñen que estar escritas en galego.

Haberá PREMIOS!!!!

Lembrade que o prazo de presentación das vosas obras remata o luns 25 de abril.