Suxestións de lecturas para o Nadal

 Velaquí tedes as suxestións de lectura para este atípico Nadal 2020, recompiladas polo equipo de biblioteca e marabillosamente maquetadas por María nesta preciosa presentación.

Grazas, María, pola túa arte!!

Exposición 25 de novembro Día da Non violencia de xénero

 Dende a Biblioteca queremos facer a nosa achega para toda a comunidade educativa na celebración do 25 de novembro e para iso, organizamos unha exposición de libros que tratan os temas da igualdade, a non violencia, a igualdade de oportunidades e a visibilización do traballo feito por mulleres.

Na exposición poderedes atopar libros para todas as idades e que abordan o tema dende perspectivas moi diferentes: humorística, como Cutremamá ou Até as princesas soltan peidos; ensaística, como Pioneiras. Galegas que abriron camiño; ficcionada, como A aprendizaxe de Betsy ...). Como as exposicións so teñen sentido se teñen público, queremos animarvos a subir a vela. Lembrade que todos os libros da exposición se poden levar en préstamo!!

Colaboran o EDLG e o EACE do CPI de Atios.

 

Os alumnos de 6º de Primaria explican a CDU

 A Biblioteca do CPI de Atios ten a honra de ofrecervos unha das mellores explicacións da CDU (Clasificación Decimal Universal) que temos visto xamais. Sabedes que a CDU é o sistema polo que se clasifican os libros nunha biblioteca cando estes están organizados por materias; pois ben, os alumnos de 6º de Primaria do noso cole téñeno tan claro que elaboraron esta explicación para toda a comunidade educativa, exemplos incluídos!!

Non o perdades, clicade na imaxe embaixo para acceder ao vídeo. Noraboa aos alumnos é á súa profe!!!

Neurocientífica galega nas aulas do CPI de Atios

O vindeiro luns 16 de novembro teremos a honra de conectarnos a través de videoconferencia coa neurocientífica lucense Sonia Villapol Salgado que falará cos nosos alumnos de 4º ESO.

A Dra. Villapol licenciouse en  Bioloxía na especialidade de Bioloxía Molecular e Biotecnoloxía na Universidade de Santiago de Compostela e doutorouse na Universitat Autònoma de Barcelona coa cualificación de sobresaliente cum laude.

 Exerceu como profesora na Facultade de Medicina da Universitat Autònoma de Barcelona; en París, traballou no Hospital Robert Debré nun equipo de investigación do Institut National de la Santé et de la Recherche Médicale; e nos Estados Unidos, tamén foi profesora no departamento de Neurociencia da Universidade de Georgetown.

Actualmente, forma parte do Equipo de Investigación Internacional de covid-19, coordinando un equipo internacional de neurocientíficos que analiza como afecta o coronavirus ao cerebro e ao sistema nervioso.

Todos agardamos con impaciencia que chegue o luns!! Mentres tanto, clicade sobre a foto de Sonia para acceder a un prezi e saber máis sobre ela.

Agradecemos moitísimo aos equipos EDLG e EACE a súa colaboración e o seu traballo, que fixo posible a presenza virtual dunha científica galega nas nosas aulas.

MES DA CIENCIA EN GALEGO

Este novembro celebramos o Mes da Ciencia en Galego en todas as Bibliotecas da rede pública da Consellería de Cultura, Educación e Universidade, así como nas bibliotecas escolares de toda Galicia. O obxectivo desta iniciativa, que se desenvolverá entre os días 7 e o 28 do vindeiro mes, é sensibilizar aos máis novos sobre a necesidade de empregar o galego na literatura científica.

Ao longo deste mes, poderedes atopar na biblio do cole unha selección de libros sobre ciencia para todas as idades que realizou o equipo da Biblio en colaboración co EDLG. Botade un ollo nas novas estanterías brancas e lembrade que se poden levar libros en préstamo.

Embaixo déixovos un exemplo de libros súper interesantes; é un enlace, clicando na imaxe lévavos a unha páxina de Pinterest con moitas outras deliciosas suxestións.

E aquí unha recompilación de materiais de ciencia en galego (a imaxe tamén é o enalce).

Poñede a bata de laboratorio e mans á obra!!

EDLG e Biblioteca do CPI de Atios.

Letras 2020: Ricardo Carvalho Calero

 Onte venres 30 de outubro todo o profesorado e alumnado do CPI de Atios celebramos xuntos (pero non revoltos) as Letras 2020 dedicadas a Ricardo Carvalho Calero. Cada grupo na súa aula, pero simultaneamente, traballou os contidos didácticos e lúdicos seleccionados polos seus profes. Malia algún problema de conexión á rede, a sesión foi moi produtiva e deu froitos coma este vídeo realizado cos debuxos dos alumnos de infantil.

Nesta outra imaxe podemos ver a un grupo de 3º ESO traballando os contidos en liña.

Celebrando a Ricardo Carvalho Calero

Boa mañá deste 30 de outubro de 2020 en que se conmemora o nacemento de Ricardo Carvalho Calero no ano 1910 en Ferrol. 

Como sabedes, foille dedicado o Día das Letras 2020; debido á  Covid-19, non se puido celebrar en maio por estarmos todos confinados na casa, polo que quedou adiado ata o día de hoxe.

Para o alumnado de Secundaria:

Propoñémosvos unhas actividades divertidas para afondar e xogar coa súa  figura e obra. Facédeas por orde clicando nos enlaces (ou copiando e pegando o enderezo no voso navegador).

Agardamos que realizar estas actividades sexa tan divertido para vós como preparalas e escollelas foi para nós.

1. Documental a modo de telexornal realizado polo alumnado do CPI dos Dices (Rois): https://youtu.be/o-LfGDiXTO

2. Infografía realizada por alumnos do CPI de Atios: https://view.genial.ly/5ecab818f3aac90d34a385ed/vertical-infographic-timeline-carvalho-calero1

3.Poesía escrita: https://carvalhocalero.lbd.org.es/poesia-2/

4.Poesía musicada: https://carvalhocalero.lbd.org.es/obra-musicada/

5. Certame musical “Musicando Carvalho Calero”, con cancións baseadas nos seus poemas: https://www.youtube.com/playlist?list=PLVjdxGh4wJq2kk2hZXuURpvudSQcWGyIv

6. O misterio da casa de Ricardo Carvalho Calero. Xogo: https://view.genial.ly/5ea84324637c610dbf867ff2/game-breakout-letras-galegas-2020

7. Escape Room: https://patrifulca.wixsite.com/xogoletras20

8.Vídeo das rapazas de 4º ESO A interpretando musicalmente o poema “Enviarei-che esta canción”: https://drive.google.com/file/d/198YhlGgNWjX_K0Ebl9vydZZa2LR7nqPc/view?usp=sharing

Para o profesorado de Infantil e Primaria:

Estes son os enlaces para ver os traballos feitos polo alumnado da ESO, 1º Ciclo de Primaria, e 2º Ciclo de Primaria:

https://www.youtube.com/watch?v=K2qZrfzMDik - Feito por alumnado de ESO

https://www.youtube.com/watch?v=Wc4e_RXs63w - “As pitas baixo a chuvia” feito polo alumnado de 2º ciclo de Primaria.

https://www.youtube.com/watch?v=cf6ZAx5aECE - “As pitas baixo a chuvia” feito polo alumnado de 1º ciclo de Primaria.

Infantil celebra o Día das Bibliotecas

 Esta mañá os nosos alumnos de educación infantil elaboraron un traballo para conmemorar o Día das Bibliotecas. Baseáronse no conto Nicolás va a la biblioteca e a partires de aí, cada neno fixo a súa propia interpretación dunha biblioteca debuxándose a si mesmo dentro dela.

Estes son algúns dos seus traballos.

Agardamos que desfrutedes con eles tanto como o fixemos nós.

Feliz Día das Bibliotecas a toda a comunidade educativa 

do CPI de Atios!!

Día Mundial das Bibliotecas

Celebramos este 24 de outubro, Día Mundial das Bibliotecas, coa historia dunha biblioteca que renaceu: a Biblioteca de Alexandría.

A antiga Biblioteca de Alexandría naceu no século III a.C., na cidade exipcia de Alexandría, na costa do mar Meditarráneo, e recibiu o seu nome do seu fundador Alexandre o Magno. Foi unha das bibliotecas máis importantes e un dos maiores centros de difusión do coñecemento da Antigüidade. Formaba parte dunha institución de investigación coñecida como Museion. A pesares da crenza xeneralizada de que a biblioteca foi incendiada e destruída de forma catastrófica, en realidade fue decaendo gradualmente ao longo de varios séculos ata que desapareceu no s. III d. C.

A moderna Biblioteca Alexandrina está situada tamén na cidade de Alexandría. Foi construida en conmemoración da antiga Biblioteca de Alexandría.

O tellado é circular, en homenaxe ao deus exipcio Ra, deus do Sol, e reflexa a luz do sol cara ao mar Mediterráneo, en lembranza do famoso Faro de Alexandría.

Na fachada de granito están gravados todos os alfabetos coñecidos no planeta.

Datos:

- Inauguración: 2002.

- Superficie: 36 770 m2.

- Altura: 33 m. Consta de once niveis, catro dos cales son subterráneos.

- Recubrimento exterior: 6.400 paneles de granito.

- Aforo: 2000 personas.

- Plantilla de traballadores: 600 funcionarios.

- Capacidade de almacenaxe: 20 millóns de libros.

- Fondos bibliográficos actuais: 200.000 libros, 50.000 mapas, 10.000 manuscritos, 50.000 libros únicos, 10.000 archivos multimedia de audio e 50.000 visuais.

Enlace á páxina web, dispoñible en árabe, inglés e francés:

https://www.bibalex.org/en/defaut

Pasamento de Quino

Onte 30 de setembro de 2020, faleceu o debuxante arxentino Joaquín Salvador Lavado, coñecido como Quino, creador do personaxe entrañable e eterno de Mafalda, así como dos amigos que a acompañan e encarnan as diversas caras da natureza humana.

Déixovos aquí o artigo do diario arxentino Clarín no que se recolle o seu pasamento e un resumo da súa vida e obra.

Un dos principais valores da obra de Quino é que segue a ter vixencia hoxe en día.

Ata sempre, Quino!

Como despedida, clicando aquí atoparedes a homenaxe en forma de debuxos que se lle fixo a Quino (recollida en Verne- El País). 

ARRANCA UN NOVO CURSO NA BIBLIOTECA DE ATIOS

O equipo da biblioteca quere dar a benvida neste novo curso 2020-21 a toda a comunidade educativa do CPI de Atios. 

Xa estamos por fin de volta...

Benvidos!!!!!

MOI FELICES VACACIÓNS A TODOS E TODAS... E MOI BOAS LECTURAS

Xa chegaron as ansiadas vacacións de verán e a dende a biblio de Atios, aparte de desexarvos un magnífico verán queremos suxerirvos un verán cheo de lecturas, na praia, á sombra dunha figueira, nunha hamaca, onde queirades pero sempre, sempre desfrutando porque o verán merce ser ben disfrutado.

Tedes as nosas suxerencias de lectura para este verán publicadas na web do cole.

MOI FELIZ VERÁN¡¡¡¡¡

O CONTO DO CORONAVIRUS

Os nenos e nenas de Atios levan días a traballar dende as súas casas. Nestes dous meses fixeron traballos fantásticos dos que vos colgamos aquí algunhas mostras. Hoxe vouvos ensinar o conto que fixo Inés de 1º A sobre o tema do coronavirus.

Xa vedes que no cole de Atios temos nenos e nenas con madeira de escritores¡

Gracias Inés por este traballo tan chulo¡

AS PITAS BAIXO A CHUVIA

Os nenos e nenas de primeiro e segundo prepararon un precioso vídeo sobre o conto de Carballo Calero, narrado coas voces do alumnado de segundo, e ilustrado polos pequeniños de primeiro.

O tedes en Atios TV pero tamén volo deixamos por aquí para que disfrutedes del¡¡¡

A FESTA DO LIBRO

Sabedes que polo Día do Libro lanzamos unha proposta ao aire e animamos ao alumnado de Atios a recrear portadas de libros, foi unha actividade que gustou moito e recibimos moitas e marabillosas recreacións das que hoxe vos deixo outra remesa.

Neste caso foron Daniel, Lucía e Martín de 4º A os que se animaron a imitar as portadas dos seus libros favoritos.

COMO VEDES EN ATIOS TAMÉN EN MAIO CELEBRAMOS A FESTA DOS LIBROS PORQUE NON ME DIREDES QUE NON APETECE CON ESTE SOLECIÑO SENTARSE A LER UN PEDACIÑO Á SOMBRA DUNHA BOA ÁRBORE?

RECOMENDACIÓNS LECTORAS

Hoxe, Inés de 1º A de primaria vos trae a súa recomendación lectora, a de Tomás o bromista, un conto do que ela mesma vos le un pedaciño.

Moitas grazas Inés¡¡¡¡¡

LETRAS GALEGAS DENDE AS NOSAS CASAS PERO CON OLOR A PRIMAVERA

Onte se celebrou o Día das Letras Galegas e toda Galicia foi un fervedoiro de de imaxes que ían e viñan polas redes sociais para lembrarnos a todos e todas a marabillosa lingua que temos, e os libros e os autores que empregan o galego para contarnos historias fantásticas, para transmitirnos os seus sentimentos, para engrandecer unha lingua que xa de por si é xigante.

1. 

O COVID-19  que tantas cousas cambiou nas nosas vidas, impideu que as celebracións das Letras Galegas poideran levarse a cabo con normalidade e por iso a celebración oficial terá lugar no mes de outubro; con todo, na biblio de Atios non queremos deixar pasar a data do 17 de maio sen adicarlle un espacio no noso blog ao homenaxeado deste ano, a Ricardo Carballo Calero, veciño do concello de Ferrol.

E por iso na escola quixemos traballar a figura deste autor e afondar no coñecemento da súa biografía e obra; neste momento estanse a elaborar diversos traballos cos nenos e nenas de Atios dos que teredes boa conta na web do cole  e na TV de Atios e dos que vos deixo aquí un pequeno adianto, neste caso dos traballos que están a facer os nenos de primeiro sobre o conto titulado AS PITAS BAIXO A CHUVIA.

FELIZ DÍA DAS LETRAS GALEGAS A TODOS E TODAS, UN DÍA QUE NO COLE DE ATIOS QUEREMOS EXTENDER A TODOS OS DÍAS DO ANOS PORQUE SEMPRE É BO MOMENTO PARA DESFRUTAR DA LECTURA EN GALEGO.

OS NENOS E NENAS DE SEGUNDO TAMÉN FESTEXARON O DÍA DO LIBRO

Hoxe me chegou unha  foto de Matilde da clase de segundo recreando a portada dun libro que se titula Mortiña; vola deixo aquí para que a disfrutedes.

Sei que os seus compañeiros realizaron vídeos con suxerencias de lectura que esperamos poder colgar axiña aquí no blog da biblio.

MOITAS GRACIAS  AO ALUMNADO DE SEGUNDO E AOS SEUS MESTRES POR PARTICIPAR CON NÓS NA FESTA DOS LIBROS¡¡¡¡¡¡

OS PEQUENIÑOS TAMÉN SE ANIMARON COAS PORTADAS

Mirade que divertidos os profes e profas de infantil neste vídeo no que animaron aos seus nenos e nenas a celebrar con nós o Día do Libro¡¡¡

E que me dicides das portadas dos pequerrechos de Atios?

SEGUIMOS A FESTEXAR O DÍA DO LIBRO

Tamén os alumnos e alumnas de 5º A se animaron e recrearon as portadas dos libros que os están a acompañar nestes días de cuarentena... mirade que chulas¡¡¡¡

SEGUIMOS RECREANDO PORTADAS

Desta vez son os nenos e nenas de 5º C os que se animaron a recrear as portadas dos seus libros favoritos, aquí vos deixo as súas imaxes... MOITAS GRAZAS RAPACES, E GRAZAS TAMÉN Á PROFE BLANCA POLA MONTAXE¡¡¡¡¡

RECREANDO PORTADAS

Vos lembrades da proposta que vos fixemos polo Día do Libro, no sentido de recrear portadas de libros para enviarnos e conmemorar así a celebración?

Pois aquí tedes dúas desas portadas recreadas, a de Julia e a de Martina de 1º A de Primaria.

Julia é unha apaixoada de Isidora, un libro que trae moitas veces á escola para lerllo aos seus compañeiros e do que hoxe vos trae a súa particular versión.

Martina é outra magnífica lectora da nosa escola e nesta ocasión nos trae un libro adicado a unha gran muller, Madame Curie, á que ela imita fantásticamente.

Que me dicides da foto de Bruno, e a súa irmá, recreando a portada deste libro dos Bolechas?... a que están divertidos!!!!!

Tamén Carolina se animou a recrear unha portada para nós, neste caso a do libro Margarita Metepatas, unha rapaza que acaba metida nunha morea de enredos moi divertidos.

Icía se abrigou ben abrigadiña para recrear a protagonista do libro de Enid Blyton que ela nos propón. e que se titula La niña que encontró una moneda.

Martín nos ensina un libro titulado "De mayor quiero ser feliz", foi un agasallo que recibeu polo Día do Libro e como lle gusta moito nolo recomenda a todos, o capítulo 3 adicado á empatía, é o seu favorito.

E aquí tedes a Alejandra e a súa irmá que prepararon a portada dun libro que se titula " Me gusta"

Moitas gracias Julia, Martina, Bruno, Carolina, Icía , Martín, Alejandra e Icía ¡¡¡¡¡

CONTACONTOS DO NOSO ALUMNADO: POR QUE?

Hoxe atopei cunha sorpresa marabillosa coa que poder desfrutar nun día festivo coma o de hoxe; trátase dun traballo realizado polos alumnos e alumnas de 4º A que lle puxeron texto e voz a este fermoso conto titulado Por que?

MOITAS GRAZAS RAPACES E RAPAZAS, E GRAZAS ALBA POLO VOSO TRABALLO!!!!

RECOMENDACIÓNS LECTORAS DO NOSO ALUMNADO

Os alumnos de cuarto A queren colaborar co noso blog e elaboraron unha serie de recomendacións sobre os libros que están a ler nas súas casas durante este tempo de peche nas casas que vos deixo a continuación dándolles de antemán as gracias a eles e á súa titora polo seu traballo.

Sentimientos.

AUTOR: Varios autores.

ILUSTRADOR: Con ilustracións de Suzanne Woolcott.

EDITORIAL: BEASCOA

DE QUE TRATA?

O personaxe principal e Gorjuss e trata de varias poesías con sentimentos para facerte sentir ben.

OPINIÓN PERSOAL:

A min gústame moito porque a poesía e moi bonita e fai que te sintas ben.

Daniela Fernández van Egmond

El gato. Mira cómo crezco.

EDITORIAL: Edebé

DE QUE TRATA?

Forma parte dunha colección de libros sobre como medran algúns animais. Neste caso fala do ciclo de vida dos gatos: como viven, das súas características, onde poden vivir, o tipo de pelo, os bigotes...  Ao final tamén mostra as diferentes razas de gatos que podemos atopar.

OPINIÓN PERSONAL:

Gustoume moito o libro. Foi moi interesante. Recomendo que o lean todas aquelas persoas que lle gusten os gatos, xa que conta moitas cousas deles.

Aarón Rodríguez Castro

El Valle de los Esqueletos Gigantes

AUTORA:  Elisabetta Dami

ILUSTRADOR: Roberto Ronchi e Ennio Bufi

EDITORIAL:  Destino Infantil & Juvenil.

DE QUE TRATA:

Trata do personaxe principal chamado Gerónimo Stilton que trata de escribir un libro pero non é capaz ata que un día Trampita (primo de Gerónimo), lle entrega un mapa dun tesouro que estaba nun lugar chamado “El Valle de los Esqueletos Gigantes”.  Gerónimo viaxou a Mongolia co seu primo Trampita, o seu sobriño Benxamín e a súa irmá Tea xunto coa doutora Von Fosilen. Alí coñeceron a Ogotai que lles iba a axudar a chegar alí porque a doutora Von Fosilen se fora sen decir nada,  pero o día seguinte de estar no campamento Ogotai marchou co coche 4x4 e o mapa.

Se queres saber como remata esta emocionante viaxe deberás ler o libro.

OPINIÓN PERSONAL:

Todas as aventuras de Gerónimo Stilton gústanme moito pero éste libro é o que máis, e o recomendo, xa que é moi interesante porque lles pasan moitas aventuras polo medio e estás a intriga ata o último momento.

Iván Villar Pedre

 

Los mundos de Nico. Salvar internet.

AUTOR: Nicolás Segura.

ILUSTRADORA: Lourdes Navarro.

EDITORIAL: BEASCOA.

DE QUE TRATA:

Conta a historia dun neno, chamado Nico, que xoga ao videoxogo “Base Defenders” co seu amigo Dani. Un día, por sorpresa, meteuse no videoxogo e tíña unha misión especial para salvar á internet dun hacker. Por sorte, ía acompañado dos seus amigos do colexio.

PERSONAXES:

Nico, o protagonista, é un neno bastante decidido pero que necesita un empurrón para levar adiante o seu plan. Dani é o mellor amigo de Nico e acompaña sempre que pode. Cristina e o resto de personaxes aparecen ao longo da conto pero de maneira secundaria.

OPINIÓN PERSOAL:

Gustoume moito este libro. Recoméndoo a lectores aos que lles guste investigar cousiñas novas sobre internet.

Lenny Malik Aneiros Currás.

Los futbolísimos el misterio del último hombre lobo.

AUTOR: Roberto Santiago

ILUSTRADOR: Enrique Lorenzo.

EDITORIAL: SM

DE QUE TRATA? GÚSTANVOS AS AVENTURAS?

Os futbolísimos viaxan a Basarri, un pobo cerca de Bilbao, para xogar un torneo amistoso e ademais impedir que a lenda do gizotso (que un home de Basarri que se convirte en Home Lobo) se cumpra.

Nos 100 anos de historia do torneo ningún dos 2 equipos convidados logrou ganar o torneo, así que Las Ovejas de Undain e Los Lobos de Basarri, están empatados en copas a 50 cada un. Se este ano ganan Los Lobos cumprirase a maldición.

Ovellas polo campo de fútbol, ouveos de lobo...e un montón de atrancos ata chegar aos resultados das semifinais: Ovellas 1 – 0 Soto Alto e Lobos 4 – 3 Athletic Club . A final deparaba un sorprendente encontro Soto Alto VS Lobos.

O trofeo desaparece é parece que se vai cumprir a maldición.

Que podería saír mal?

Deixo que vós descubrades o final .

OPINIÓN PERSOAL:

Aquí contareivos algo sobre Pakete, o meu personaxe favorito: En realidade chamase Francisco, pero chámanlle Pakete xa que errou 5 penaltis seguidos, leva o número 7 e é o dianteiro titular do equipo.

É o meu favorito porque a pesar de errar 5 penaltis seguidos xoga ben ao fútbol e tamén é moi valente .

A min gústame toda a colección espero que a vós tamén.

Manuel Lamas Díaz

Diario de Greg 10: vieja escuela

AUTOR: Jeff Kinney

ILUSTRADOR : Jeff Kinney

EDITORIAL: Molino

DE QUE TRATA?

Greg é o personaxe do libro. É un neno ao que lle pasan moitas cousas estrañas e divertidas cos seus amigos. Nesta ocasión era verán e fóronse a un campamento de verán.

OPINIÓN PERSOAL:

Gústame moito porque ten moitas aventuras.

Martín Formoso Lago

ZEUS El grande. La búsqueda del piojo de oro

AUTOR: Crispin Boyer

EDITORIAL: National geographic Kids

DE QUE TRATA?

Na tenda de mascotas Monte Olimpo viven Atenea (unha gata), Zeus (un hamster), Ares (un can), Poseidón (un peixe globo) e Demeter (unha carricanta); son os 5 deuses que habitan Grecia. Cando é de noite viven un morea de aventuras.                   

OPINIÓN PERSOAL:

Na miña opinión é un libro moi divertido e moi animado e por iso volo recomendo.

Fernando García Martínez

Los mosqueteros

AUTOR: Alejandro Dumas 

EDITORIAL: Anaya

DE QUE TRATA?

A novela trata das aventuras dun xoven de 18 anos coñecido como D´Artagnan, que vai a París para facerse mosquetero. Xunto con outros tres mosqueteros, Athos, Porthos e Aramis, os inseparables amigos viven baixo o lema "Un para todos e todos para un".

Hugo López Doce

Tarzán

AUTOR E ILUSTRADOR: Walt Disney Company 

EDITORIAL: EVEREST

DE QUE TRATA?

Tarzan narra a historia dun neno que é atopado na selva polo gorila Kala e que se quedará a vivir con eles alí. Uns animais aceptano como seu amigo pero outros non. Pasa o tempo e Tarzan vai facéndose maior polo que terá que ir aprendendo a vivir na selva e pasar vós e malos momentos….

OPINIÓN PERSOAL:

Tarzán é un dos meus libros favoritos dende que era moi pequeno, a sua historia pareceme moi triste pero moi fermosa tamén. Ten momentos tristes e momentos de intriga que é o que máis me engancha para continuar lendo.

Hugo López Casas

Cecilia Vilela Vilela

Elisa ViIlar Amigo

Lara López García

Leila Orjales Vidal

Lucía Núñez Alvariño