Dende a Biblioteca queremos facer a nosa achega para toda a comunidade educativa na celebración do 25 de novembro e para iso, organizamos unha exposición de libros que tratan os temas da igualdade, a non violencia, a igualdade de oportunidades e a visibilización do traballo feito por mulleres.
Na exposición poderedes atopar libros para todas as idades e que abordan o tema dende perspectivas moi diferentes: humorística, como Cutremamá ou Até as princesas soltan peidos; ensaística, como Pioneiras. Galegas que abriron camiño; ficcionada, como A aprendizaxe de Betsy ...). Como as exposicións so teñen sentido se teñen público, queremos animarvos a subir a vela. Lembrade que todos os libros da exposición se poden levar en préstamo!!
Colaboran o EDLG e o EACE do CPI de Atios.
Ningún comentario:
Publicar un comentario