ÚLTIMA CARTA AOS REIS MAGOS

Hoxe celebramos a chegada do nadal na biblioteca do CPI de Atios coa lectura dun libro de Fina Casalderrey, unha lectura centrada no Día de Reis e os agasallos de nadal; vos deixamos cun par de fotografías da lectura.

E coas fotos da visita do Apalpador que hoxe se achegou ata o CPI de Atios para estar cos nosos nenos e nenas.

 

TEMPO DEACIVROS, TEMPO DE LIBROS

A frase do título non é nosa, é doutros compañeiros de bibliotecas escolares pero nos gustou tanto que afixemos nosa e con ela damos paso a unha pequena selección de libros que esperamos vos gusten e vos acompañen nestes días de nadal.

LA NAVIDAD DE NICOLAS, editorial Tramuntana

Nicolás espera expectante a chegada de Papá Noel, ten por diante unha noite de moitos nervios e ilusión.

A ÁRBORE DA ESCOLA, editorial Kalandra

No patio da escola está amedrar unha nova árbore gracias ao agarimo dun neno e dos seus amigos.

              

                NO LLEVES HADAS AL COLE, editorial SM
        
               A princesa Cucamona leva a súa fada madriña á escola e acaba
               ocasionando un tremendo lío que vai dar lugar a situacións moi divertidas.
               

MARCOPOLA, OS PIRATAS DA LÚA, edicións Xerais

Neste libro ides coñecer aos piratas da Lúa, unha banda de mariños moi amigos da festa rachada, e poderedes loitar con eles para  loitar contra o almirante Cobreguiña.

CARAMELOS DE MENTA, editorial SM

Pepito, o protagonista do libro, atopa un can e decide quedar con el. Pepiño, o can e os seus amigis van  correr unha morea de aventuras xuntos.

 

 A FILLA DO LADRÓN DE BICICLETAS, edicións Xerais

Serafina só ten unha aspiración na súa vida, a de ser equilibrista nun circo coa súa bicicleta, Celerífera, e poñerá todos o seu empeño en conseguilo.

EL DESPERTAR DE CERVANTES, editorial Anaya

Durante a búsqueda dos restos de Miguel de Cervantes na cripta das Trinitarias ocorre algo extraordinario, Cervantes esperta convertido en pantasma.

CAMIÑOS NA AUGA, editorial Galaxia

Szymo busca a liberdade na África post-colonial a través dunha viaxe.





BO NADAL A TODOS!!!!!

MÁIS DE VIOLENCIA DE XÉNERO

Mirade que cartel máis chulo diseñou a profe Loli para lucir estes días na biblioteca:

O tema ben o merece, así teremos un fantástico recordatorio que nos lembrará que todos os días son días contra a violencia de xénero.

O cartel de Loli foi un magnífico fondo que hoxe acompañou as lecturas dos nosos CONTACONTOS NO RECREO, a cargo do alumnado de sexto que leron para todos os alumnos de Primaria "O libro dos Porcos" e un extracto do libro "Ola, estúpido monstro peludo"; vos deixamos con algunhas fotos das lecturas.

25 DE NOVEMBRO: DÍA INTERNACIONAL CONTRA A VIOLENCIA DE XÉNERO

No CPI de Atios hoxe levamos a cabo un pequeno acto no que lembramos a data e as moitas, demasiadas, mulleres que neste ano foron víctimas do maltrato; neste blog non queremos deixar pasar o día sen facer unha mención a esta terrible lacra que nos preocupa e nos aflixe profundamente.

Xa sabedes que calquera data é boa para achegarse aos libros e dende a biblioteca vos propoñemos varias lecturas coas que podedes acompañar e conmemorar este día:

Boas lecturas a todos!!!

SAMAÍN EN ATIOS: SEMANA DA TRADICIÓN ORAL

Esta semana o colexio de Atios é un fervedoiro de actividades: decoración de portas, concurso de cabazas, semana da buxaina, magosto, ... e contacontos de medo na cafetería.

Estes días trasladamos a biblioteca  á cafetería, que convertida en fogar de meigas e pantasmas foi o lugar perfecto para as nosas lecturas de medo do Samaín. Alí mestres, alumnos e nais foron lendo contos co medo como protagonista, historias arrepiantes nas que a santa compaña ou o demo andaban a facer das súas, lendas marabillosas ateigadas de mouras e trasnos... GRACIAS A TODOS E TODAS POLAS VOSAS LECTURAS.

SEMANA DA BIBLIOTECA ESCOLAR

Despois do verán a biblioteca do CPI de Atios está de novo en marcha, xa funcionan os préstamos, xa temos os axudantes e axudantas repartindo os libros prestados polas aulas e Pelusa xa anda a facer das súas agochada entre os libros das nosas estanterías. Esta semana Pelusa está especialmente contenta, son moitos os nenos e nenas que están a facer préstamos e non hai mellor maneira de celebrar o Día das Bibliotecas. FELICIDADES A TODOS POR SEGUIR A DESFRUTAR CON NÓS DA FESTA DOS LIBROS!!!!

SEMANA DAS LETRAS GALEGAS

No CPI de Atios este ano decidimos que un só día para celebrar as Letras Galegas non nos chegaba a nada e que necesitabamos unha semana enteira para poder facelo e é que o homenaxeado deste ano, Manuel María, deunos moito que traballar, de feito xa sabedes que lle adicamos todo o ano e Manuel María foi o tema interdisciplinar que traballamos todas as aulas durante todo o curso escolar. Os aulas enchéronse de retratos do autor, nas aulas léronse moitos dos seus poemas, o alumnado cantou moitos dos seus poemas musicados, coñecimos os datos máis significativos da súa biografía, .... e por suposto a biblioteca sumouse á festividade coa exposición de moitos dos libros do autor, dos que aquí vos deixamos algunhas suxerencias.

                                        
                                         Empezamos polas suxerencias para os máis pequenos:

E para os máis maiores vos aconsellamos .....

Ademáis de ler e escoitar a Manuel María, durante toda esta semana tamén imos ter a oportunidade de ver representada unha das súas obras, O bigote de Mimí, que representaron os rapaces de 3º A dentro dun ciclo de teatro que onte estreamos e que vai supoñer a representación de diversas obras de teatro realizadas polos propios alumnos do centro ao longo de toda a semana. Vos deixamos unhas fotos das primeiras representacións:

                                   Dous momentos da representación de "O bigote de Mimí "(3º A)

                                     
                                              Escea da obra " A maxia da amizade" (2º A)

CELEBRAMOS O DÍA DO LIBRO POR TODO O ALTO!!!!

Estes días no cole de Atios se multiplicaron as actividades para celebrar o Día do Libro por todos os recantos da escola:

Os nenos de Infantil e Primaria adicaron estes días a coñecer un pouquiño máis a figura de Cervantes, do cal se cumplía o 400 aniversario do seu nacemento, e o seu Don Quijote; elaboraron magníficos debuxos e marcapáxinas que empregamos para decorar os corredores da escola e a cafetería na que onte, durante toda a mañá tivo lugar un precioso maratón de lectura no que os nenos enenas de 2º a 6º, e tamén algúns pais, leron diversos fragmentos de Don Quijote en castelá, en galego, en portugués, ... porque se hai unha obra literaria universal, esa é a do Quijote. As lecturas estiveron presididas por un marabilloso mural que pintou para nós o pintor Manolo Carballo ao que dende aquí queremos felicitar polo traballo realizado e agradecer a colaboración prestada na celebración do noso Día do Libro.

Se queredes coñecer algo máis a Don Quijote e o seu inseparable Sancho, vos deixamos aquí algúns títulos:

Os alumnos de secundaria tamén participaron no maratón, pero ademáis tiveron a oportunidade de coñecer e dialogar co escritor Mario Caneiro ao que este ano lle adicamos o noso Día do Libro no CPI de Atios.

Que mellor maneira de celebrar o Día do Libro que lendo? Pois así o estamos a celebrar nós, vos deixamos aquí estes dous libros do noso homenaxeado para que o leades e o disfrutedes.

FELIZ DÍA DO LIBRO A TODOS!!!!

QUENTANDO MOTORES

Xa temos moi cerquiña a gran festa do Día do libro e na biblio de Atios quentamos motores con numerosas actividades en torno á lectura; nas últimas semanas están a ter lugar algúns dos apadriñamentos lectores que tanto nos gusta ter no noso centro, neste caso as fotos son as dos nenos e nenas de quinto que fixeron as delicias dos alumnos e alumnas de primeiro coas súas lecturas.

Tamén o contacontos Iago fixo oas delicias dos rapaces e rapazas do primeiro ciclo coas súas historias ...

Uuuuuuuhhhhmmm, a que xa tedes ganas de festa?..... Xa queda pouquiño, nuns días celebraremos en Atios o Día do Libro e para que a vaiades abrindo boca vos adianto algunha foto do que vai ser o noso Día do libro:

Xa vos ule a libro?.... O mércores que ven vos contaremos a historia desta e outras fotos, polo de pronto que saibades que todos estamos invitados ese día a tomar na cafetería un marabilloso cafeíño acompañado de letras.