ACTIVIDADES EXTRA/COMPLEM. EQUIPO DA LINGUA GALEGA, BIBLI SOLIDARIAS, MOCHILAS VIAXEIRAS

luns, 16 de abril de 2018

UNHA NOVA SESIÓN DAS LECTURAS COMPARTIDAS

O pasado venres día 13 tivo lugar un novo encontro entre o alumnado de Atios e as parroquias de Valdoviño; esta vez foi o turno de 5º A  que acudeu ao local social da parroquia de Pantín para atoparse cos seus veciños.

Esta sesión das lecturas compartidas levou ata Pantín a vida e logros de mulleres destacadas da nosa historia, coma por exemplo Emilia Pardo Bazán, Ángeles Alvariño, Marcela Gracia ou Rosalía de Castro; e tamén de mulleres contemporáneas coma por exemplo Bethany Hamilton. 



Cun mandil coma o que vemos na fotografía os nenos e nenas de Atios lles lembraron a todos os veciños que só educando en igualdade, ensinando a facer un axeitado reparto das tarefas nos fogares,  é posible acadar unha igualdade real e unha sociedade máis xusta.

NORABOA RAPACES, RAPAZAS E MESTRES DE 5º POLAS LECTURAS COMPARTIDAS DESTE DÍA!!!

xoves, 5 de abril de 2018

A BURRA RAMONA

Dentro do proxecto interdisciplinar de centro adicado á igualdade, DNI: DIFERENTES NA IGUALDADE, o alumnado de primeiro ciclo está a traballar sobre a escritora Paula Carballeira. Arredor da súa obra terá lugar un maratón de lectura alá polo DÍA DO LIBRO pero hoxe os alumnos de 2º A fixeron un adianto e leron para os seus compañeiros de primeiro unha das historias de Paula Carballeira, o conto titulado A BURRA RAMONA, empregando o Kamishibai que a todos nos encanta.


As fotos non son as mellores pero a lectura foi marabillosa, a todos nos gustou esa burra testá que quedaba parada no medio do camiño para adicar tempo ao seu soño favorito, VOARRRR.

Voade todos con nós lendo este e outros dos magníficos contos de paula Carballeira.


domingo, 4 de marzo de 2018

BIBLIOTECAS SOLIDARIAS: LECTURAS COMPARTIDAS EN VILABOA

O pasado 9 de febreiro iniciamos en Atios unha nova andaina do noso proxecto de BIBLIOTECAS SOLIDARIAS. Nesta ocasión olumnado de 6º A estivo na parroquia de Sequeiro para compartir con todos os veciños e veciñas que quixeron asistir as súas lecturas sobre Lucy Rees, unha incansable domadora de cabalos que fai deste traballo toda unha filosofía de vida.

A esta primeira actividade lle seguiron  o pasado venres 2 de marzo, os rapaces e rapazas de 6º B que  saíron do centro para dirixirse á parroquia de Vilaboa e levar ata alí as súas lecturas sobre Jane Goodall, a muller que eles escolleron para traballar dentro do proxecto de igualdade que temos este ano no noso centro. Ata alí levaron a vida desta primatóloga da que os alumnos contaron todo tipo de detalles a todos os veciños alí reunidos e da que conseguiron transmitir o seu inmenso amor pola natureza.

Os veciños e veciñas de Sequeiro e Vilaboa lles falaron ao alumnado de Atios de mulleres que viviron e viven en Sequeiro e Vilaboa e destacaron ou destacan por algunha cualidade que as fixo DIFERENTES NA IGUALDADE. Nos encanta coñecer estas historias das mulleres de Valdoviño da man dos veciños e veciñas do noso concello!!!







mércores, 28 de febreiro de 2018

PAULA CARBALLEIRA VISITA O NOSO COLE


Neste curso, no cole estamos a desnvolver un proxecto sobre igualdade ao que denominamos DNI:DIFERENTES NA IGUALDADE. Con este proxecto, cada titoría do cole escolleu unha muller sobre a que investigar, e cada mes unha destas mulleres é a protagonista de diversas actividades no cole.

Unha destas mulleres é Paula Carballeira, á que escolleron os nenos e nenas de 1º e 2º para coñecer a súa biografía e tamén o seu traballo como actriz, contacontos e escritora.

Hoxe tivemos a oportunidade de contar coa presencia de Paula na escola, de escoitar da súa man, historias marabillosas que quenceron os nosos corazóns nun día frío coma o de hoxe nos que as folerpas de neve asomaron por Valdoviño.

Paula contounos os seus marabillosos contos, contestou as preguntas que os nenos e nenas lle tiñan preparadas, deixounos dedicatorias preciosoas nos seus libros e deixouse abrazar e fotografar con todos nós.

Aquí vai un adianto dalguhas fotos:



domingo, 4 de febreiro de 2018

ATIOS CELEBRA O DÍA DA PAZ


O pasado 31 de xaneiro todo o CPI de Atios nos xuntamos no patio cuberto do cole e celebramos un pequeno acto para conmemorar o Día da Paz.





A biblioteca tamén celebra estes días o Día da Paz, cunha nova exposición chea de libros que respiran paz, cunha nova decoración a base de bandeiríns que encheron tamñen os corredores do cole, e como non? con contacontos.


 


Os rapaces e rapazas de segundo leron para todos nós A BRUXA DISCORDIA; o alumnado de sexto leunos un par de poemas e tamén un conto titulado OS DOUS PRÍNCIPES E A POMBA.

Vos deixamos aquí un dos poemas que nos leron a nós para que todos celebredes con nós este DÍA DA PAZ 2.018:

ESPERANDO A PAZ

Todos sentados
cos brazos cruzados,
e mentres tanto ...
Milleiros de persoas
morren de fame.

Todos sentados
cos brazos cruzados
e mentres tanto ...
Moitos nenos son explotados.

Todos sentados
cos brazos cruzados
e mentres tanto ...
Bomabardean milleiros de países.

Así que ...
Todos levantados
berrando pola PAZ.

mércores, 20 de decembro de 2017

BO NADAL DENDE A BIBLIOTECA DE ATIOS

Acabamos de colgar na web do cole as nosas suxerencias de lectura para estas vacacións, para que os agasallos de nadal inclúan tamén lecturas marabillosas como as que seleccionamos coas que poidades desfrutar nestes días de merecido descanso.

Tamén vos deixamos aquí as fotos da exposición de libros que fixemos estes días na biblioteca e do mural que elaborou a profe Loli para desexarvos a todos unhas magníficas festas de nadal.



martes, 28 de novembro de 2017

BIBLIATIOS CONTRA A VIOLENCIA


Hoxe conmemoramos o Día contra a Violencia de Xénero no CPI de Atios e a biblioteca acolleu o contacontos que prepararon os nenos e nenas de 1ºA que leron IRIÑA BAILARINA para os seus compañeiros, un conto precioso que nos lembra a todos que as rapazas, igual que os rapaces,  teñen dereito a decidir o que queren comer, o que queren vestir e a que queren adicar o seu tempo de lecer.

Vos deixamos aquí unhas fotos do contacontos de hoxe e algunhas suxerencias de lectura desas que a nós tanto nos gustan porque nos invitan a reflexionar e plantear interrogantes nesta SEMANA CONTRA O MALTRATO:








UN ANO MÁIS, TODOS CONTRA A VIOLENCIA DE XÉNERO!!!!